 |
Beliefs | Future | Medical | Topics | Contact Us | Publications | Languages |
| Сыда тэ Тхьэм къытфигъэуцурэр? | Я 8-рэ урок  |
Унагъо псэукІэу Тхьэм ишІоигъор |
|
 |
Сыд фэдэ чІыпІа лІым унагъом щыубытырэр? (1) |
|
Сыдэущтэу лІыр ишъхьэгъусэм фыщытын фае? (2) |
|
Сыд фэдэ пшъэрылъа тым иІэхэр? (3) |
|
Сыд фэдэ мэхьанэ шъузым унагъом щыриІэр? (4) |
|
Сыда Тхьэм ты-ныхэмрэ лъфыгъэхэмрэ унашъоу афигъэуцугъэ? (5) |
|
Сыда Тхыгъэ ЛъапІэм итхагъа зэфэшъхьафэу упсэунэу ыкІи узэхэкІыжьыным пае? (6, 7) |
1. Тхыгъэ ЛъапІэм къызэриІорэмкІэ лІыр унагъом ышъхь (1 Коринф 11:3). ЛІым зы шъхьэгъусэ закъо иІэнэу щыт. ЛІымрэ шъузымрэ зэготхагъэхэу щытын фаех хэгъэгум хабзэу илъым тетэу (1 Тимофей 3:2; Тит 3:1). 2. ЛІым ежь ышъхьэ шІу зэрилъэгъурэм фэдэу ишъхьэгъуси шІу ылъэгъун фае. Ар ишъхьэгъусэ фыщытын фае, Хьисэ ыуж къиуцуагъэхэм зэрафыщытыгъэм фэдэу (Ефес 5:25, 28, 29). ЛІым ишъхьэгъусэ езао хъущтэп, фэмыпхъашэуи щытын фае. Ащ лъытэныгъэ фишІын фае (Колоссэ 3:19; 1 Петрэ 3:7).
3. Тыр егугъоу лэжьэн фай иунагъо ыІыгъыным пае. Ащ ишъхьэгъуси, икІалэхэри ашхыщтыр, ащыгъыщтыр ыкІи унэ зычІэсыщтхэр аригъэгъотын фае. Дин ІофымкІи тым иунагъо ищыкІагъэр ригъэгъотын фае (1 Тимофей 5:8). Тым пшъэрылъ ештэ иунагъо Тхьэр ашІэнэу ыкІи имурадхэр зэрагъэшІэнэу (5 Мусэ 6:4—9; Ефес 6:4). 4. Шъузыр лІым иІэпыІэгъушІоу щытын фае (1 Мусэ 2:18). Ар ишъхьэгъусэм дэІэпыІэн фае кІалэхэр егъэджэнымкІэ, гъэсэнымкІэ (ГущыІэжъхэу 1:8). Иеговэ шъузым мэхьан ритыгъ иунагъо шІулъэгъуныгъэ фыриІэу дэгъоу алъыплъэнэу (ГущыІэжъхэу 31:10, 15, 26, 27; Тит 2:4, 5). Ащ ишъхьэгъусэ лъытэныгъэшхо фишІын фае (Ефес 5:22, 23, 33). 5. Тхьэм унашъо ыгъэуцугъ лъфыгъэхэр ятэ-янэхэм ядэІунхэу (Ефес 6:1—3). Ты-ныхэми унашъо афигъэуцугъ ябынхэр агъэсэнэу, мыхъун ашІагъэми гъогу занкІэм трагъэуцожьынэу. Ты-ныхэм уахътэ къыхагъэкІын фае ябынхэм ягъусэнэу, Тхьэм и ГущыІэ арагъэшІэнэу, ядуховнэ ыкІи яэмоциональнэ ящыкІагъэхэр арагъэгъотынхэу (5 Мусэ 11:18, 19; ГущыІэжъхэу 22:6, 15). Ты-ныхэм пхъашэу ыкІи жъалымыгъэкІэ ябынхэр агъасэ хъущтэп (Колоссэ 3:21).
6. Зэшъхьагъусэхэм азыфагу зэгурымыІоныгъэ къахафэмэ, ахэр Тхыгъэ ЛъапІэм ит унашъохэмкІэ зекІон фаех. Тхыгъэ ЛъапІэм итхагъ шІулъэгъуныгъэрэ гъэгъуныгъэрэ тхэлъынэу (Колоссэ 3:12—14). Тхыгъэ ЛъапІэм къызэриІорэмкІэ мэхьанэшхо зимыІэ Іофхэм апае, зэшъхьэгъусэхэр зэфэшъхьафэу псэунхэу хъущтэп. Ау шъузыр ишъхьэгъусэм зэфэшъхьафэу дэпсэунэу фэенкІи хъущт 1) ар иунагъо зэрыпсэун къаигъэкІэ аримгъэгъоты хъумэ, 2) жъалымэу дэзекІомэ, шъузым иузынчъагъэмрэ ыкІи игъашІэмрэ иягъэ ригъэкІы хъумэ, е 3) Иеговэ фэлэжьэнэу фаеу, лІыр лъэшэу пэрыохъу фэхъу хъумэ (1 Коринф 7:12, 13). 7. Зэшъхьэгъусэхэр зэфэшъыпкъэу щытын фаех. ЗинэшІэныр — гунахьышхо ТхьэмкІи, шъхьэгъусэмкІи (Еврей 13:4). Тхыгъэ ЛъапІэм къызэриІорэмкІэ узэхэкІыжьынэу ыкІи нэмыкІым зыгуебгъэтхэнэу иІэр зы шъхьаусыгъо закъу — лІым е шъузым зинэ ышІагъэ хъумэ (Маттэ 19:6—9; Рим 7:2, 3). Иеговэ ылъэгъу хъурэп цІыфхэр Тхыгъэ ЛъапІэм имыт ушъхьагъумкІэ зэхэкІыжьыхэу, нэмыкІ цІыф зызэгуязгъатхэрэр (Малахие 2:14—16). |
||||
2008-рэ илъэсым къыдагъэкIыгъ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
