ТхьэлъэІукІэ Тхьэм пэблагъэ зыфэшІ

1. ТхьэлъэІур — ар Іэдэб хэлъэу Тхьэм удэгущыІэныр ары. Тхьэм уелъэІуныр шэны пфэхъун фае. Ар шэн пфэхъумэ, о Тхьэм иныбджэгъу лъапІэм фэдэу пэблагъэ уфэхъущт. Иеговэ лъэкІыныгъэшхо зэриІэм емылъытыгъэу тэтилъэІухэм ар къедэІу! Ренэу о Тхьэм уелъэІуа? (Сэбур 65:2; 1 Фессалоникэ 5:17).

2. ТхьэлъэІур — зэрагъэлъапІэ шІыкІэхэм ащыщ. Джащ пае тызэлъэІун фае Тхьэ закъор — Иеговэ. Хьисэ чІыгум зыщыІэм сыдигъокІи ар зэлъэІущтыгъэ Ятэ закъо ары. Тэри джащ фэдэкъабзэу тшІэн фае (Маттэ 4:10; 6:9). Ау титхьэлъэІу пстэури Хьисэ ыцІэкІэ Тхьэм фэдгъэкІон фае. АщкІэ къэтэгъэлъагъо Хьисэ зэрэдгъэлъапІэрэр икъурмэныпхъэри тшІошъ зэрыхъурэр (Иуан 14:6; 1 Иуан 2:1, 2).

3. Тхьэм телъэІу хъумэ, тигущыІэхэр гум къыдэкІын фай. Тэ къэтІон фаеп зэгъэшІагъэ тхьэлъэІухэр ыкІи ар тхылъым къидджыкІын фаеп (Маттэ 6:7, 8). Тхьэм телъэІу хъумэ сыд фэдэ чІыпІэ уитми, сыдигъо уахътэми, сыд фэдэ щытыкІэ къекІоу уиІэмэ хъущт. ГукІэ къэтІорэ тхьэлъэІу нэгъунэ Тхьэм зэхехы (1 Самуел 1:12, 13). О пшъхьа пае уелъэІун хъумэ, чІыпІэ зэгъокІ къыхэпхымэ нахьышІу (Марк 1:35).

4. Сыд фэдэ ІофхэмкІэ Тхьэм уелъэІу хъущт? Сыд щыщырэ ІофкІи уелъэІу хъущт, Тхьэм фыуиІэ ныбджэгъуныгъэм ехьылІагъэу (Филиппи 4:6, 7). Шапхъэу тиІэ тхьэлъэІум къытегъэлъагъо Иеговэ ыцІэр ыкІи имурадыр титхьэлъэІухэм зэрыхэдгъэхьан фае. Ащ нэмыкІэу уелъэІу хъущт уищыІакІэ-псэукІэ къыбдэІэпыІэнэу, гунахьхэр пфигъэгъунхэу, хъопсэным зыдемыгъэхьыхынэу (Маттэ 6:9—13). УитхьэлъэІумкІэ федэ плъыхъоу щытын фаеп. Тхьэр зэрэфаем тетэу уитхьэлъэІухэр щытын фай (1 Иуан 5:14).

5. Тхьэм сыдигъоми уелъэІу хъущт шІурэ щытхъурэ Тхьэм фэпшІынэу угу илъы хъумэ (1 Тхыгъэхэр 29:10—13). Тхьэм уелъэІун фае зэшІомыкІ Іофхэм апае ыкІи уишІошъхъуныгъэр изэрар екІын къыпфыкъокІымэ (Сэбур 55:22; 120:1). Ушхэным ыпэкІэ Тхьэм уелъэІумэ тэрэз (Маттэ 14:19). Иеговэ шІоигъу «сыдигъуи» тхьэлъэІукІэ зыфэдгъэзэнэу (Ефес 6:18).

6. Анахьэу Тхьэм узелъэІун фаер гунахьышхо пшІагъэмэ ары. Ащ фэдэ къыохъулІагъэмэ Иеговэ лъэшэу уелъэІун фае гукІэгъу къыпфишІынэу ыкІи къыпфигъэгъунэу. Гунахьэу пшІагъэмкІэ Тхьэм ипашъхьэ укІэгъожьэу, ащ нахьи умышІэжьынэу узыуцукІэ, Тхьэм «къыпфигъэгъунэу хьазыр» (Сэбур 86:5; ГущыІэжъхэу 28:13).

7. Иеговэ зэдэІурэ шъыпкъэныгъэ зыхэлъ цІыфхэм ятхьэлъэІухэр ары ныІэп. Тхьэр уитхьэлъэІухэм къедэІунэу уфаемэ, о плъэкІырэр пшІэн фай Тхьэм иунашъокІэ упсэунэу (ГущыІэжъхэу 15:29; 28:9). Тхьэм уелъэІу хъумэ, Іэдэбэу ущытын фай (Лука 18:9—14). УзэрелъэІугъэм пкІуачІэ епхьылІэн фае. Ащыгъум къэбгъэлъэгъощт шІошъхъуныгъэ зэрэуиІэ ыкІи гум илъыр къызэрыпІорэр. Ахэр бгъэцакІэмэ, Иеговэ уитхьэлъэІухэм джэуап къаритыщт (Еврей 11:6).

Copyright © 2009 Watch Tower Bible and Tract Society of Pennsylvania. All rights reserved.