Сыд щыща Тхьэм и Пачъыхьэгъу?

1. Хьисэ чІыгум зыщыІэм, Тхьэм и Пачъыхьэгъу къэсыным пае елъэІунхэу игъогу рыкІохэрэр ыгъасэщтыгъэх. Пачъыхьэгъур — ар правительствэ, ащ тетыр пачъыхь. Тхьэм и Пачъыхьэгъур зыми фэмыдэу правительств. Ар уашъом щыІ ыкІи мы чІыгум тетыгъо фыриІэщт. А Пачъыхьэгъум Тхьэм ыцІэр лъапІэ ышІыжьыщт. Ащ Тхьэм зыфаер уашъом зэрэщыхъурэм фэдэу, чІыгуми щыхъунэу ышІыщт (Маттэ 6:9, 10).

2. Тхьэм ыІуагъ ежь и Пачъыхьэгъум Пачъыхьэу иІэщтыр Хьисэ ары (Лука 1:30—33). Хьисэ чІыгум зыщыІэм цІыфхэм къаригъэлъэгъугъ ар зэфэныгъэ, шІуныгъэ зыхэлъ, щыкІагъэ зимыІэ Пачъыхьэу зэрыхъущтыр. Уашъом зегъэзэжьым Хьисэ ардэдэу Тхьэм и Пачъыхьэгъум и Пачъыхьэ хъугъэп (Еврей 10:12, 13). Иеговэ зэриІуагъэм фэдэу 1914-рэ илъэсым Хьисэ тетыгъор ритыгъ. А зэманым къыщегъэжьагъэу Хьисэ Иеговэ и Пачъыхьэгъум и Пачъыхьа уашъом щыхъугъ (Данил 7:13, 14).

3. Ащ нэмыкІэу Иеговэ шъыпкъагъэ зыхэлъ хъулъфыгъэхэ ыкІи бзылъфыгъэхэ нэбгырэ заулэ къыхихыгъ, ахэр чІыгум икІынхэшъ уашъом кІонхэу. Ахэр зэкІэри пачъыхьэхэу, хьыкумышІэхэу, дин пащэхэу хъущтых ыкІи Хьисэ игъусэу ахэр цІыфхэр зэращэщтых (Лука 22:28—30; Іофхэу 5:9, 10). Хьисэ и Пачъыхьэгъум игъусэщтхэм «куп тІэкІукІэ» яджагъ. Ахэм япчъагъэ 144 000-рэ (Лука 12:32; Іофхэу 14:1—3).

4. Хьисэ Пачъыхьэ зэрыхъоу, Шэйтанымрэ ыкІи имэлэІич бзаджэхэмрэ уашъом къыридзыхыгъэх чІылъэм ипэгъунэгъоу. Джары 1914-рэ илъэсым щегъэжьагъэу чІылъэм щыІакІэр дэй дэдэ кІэхъугъэр (Іофхэу 12:9, 12). Заохэр, гъаблэр, зызэпахыжьырэ узыхэр, хэбзэнчъагъэм зэрыхахъорэр — ахэр пстэури Хьисэ Пачъыхьэ зэрэхъугъэр ыкІи мы дунаем иаужырэ мафэхэр къызэрысыгъэ «инэшан» (Маттэ 24:3, 7, 8, 12; Лука 21:10, 11; 2 Тимофей 3:1—5).

5. Хьисэ бэ темышІэу цІыфхэр хьыкум ышІыщт, мэлахъом мэлхэмрэ пчэнхэмрэ зэрэзэхидзыхэрэм фэдэу цІыфхэр зэхидзыщтых. «Мэлхэр» — цІыфхэу, ежь фэшъыпкъэу, ІорышІэу зыкъэзгъэлъэгъощтхэр ары. Ахэм мыухыжьын гъашІэ чІыгум къыщаритыщт. «Пчэнхэр» — цІыфэу Тхьэм и Пачъыхьэгъу зымыдэщтхэр ары (Маттэ 25:31—34, 46). ЦІыфхэу пчэнхэм фигъадэхэрэр Хьисэ шІэхэу ыгъэкІодыщтых (2 Фессалоникэ 1:6—9). Ау Хьисэ «имэлхэм» о уахэфэнэу уфаемэ, Пачъыхьэгъум икъэбарышІум едэІу ыкІи ащ къызэриІоу зекІо (Маттэ 24:14).

Хьисэ и Пачъыхьэгъум щыІэщтэп шІу зэрэмылъэгъуныгъэрэ лъэпкъ зэхэдзрэ

6. Джы дэдэм чІылъэр хэгъэгу-хэгъэгоу пчъагъэу гощыгъэ. Хэгъэгу пэпчъ ежь и Іашъхьатет иІ. ЦІыф лъэпкъхэр бэрэ зэзаох. Ау цІыфхэм яправительствэхэ Тхьэм и ПачъыхьэгъукІэ зэблэхъугъэ хъущт. Ар зы правительствэ закъо зэрыдунае иІэщт (Данил 2:44). А уахътэм бзаджи, зауи, жъалымыгъи щыІэжьыщтхэп. ЦІыфхэр зэкІэ мамырныгъэрэ зэзэгъыныгъэрэ ахэлъэу псэущтых (Михэ 4:3, 4).

7. Хьисэ и Илъэсмин Пачъыхьэгъум къыкІоцІ цІыфхэр щыкІагъэ зимыІэ хъужьыщтых, чІыгури джэнэт хъущт. А илъэс миным ыкІэм Хьисэ Тхьэр къызэрелъэІугъэр зэкІэ ыгъэцэкІэщт. ЕтІанэ Хьисэ Пачъыхьэгъур Ятэ ритыжьыщт (1 Коринф 15:24). Сыд пае афэмыІотэщта уиныбджэгъухэмрэ ыкІи уигъусэхэмрэ Тхьэм и Пачъыхьэгъур къыгъэшъыпкъэщтхэр?

Copyright © 2009 Watch Tower Bible and Tract Society of Pennsylvania. All rights reserved.