 |
Beliefs | Future | Medical | Topics | Contact Us | Publications | Languages |
| Сыда тэ Тхьэм къытфигъэуцурэр? | Я 5-рэ урок  |
Сыда Тхьэм чІыгум пае гухэлъэу фыриІэр? |
|
 |
Сыд пае Иеговэ чІыгур зыкІыгъэпсыгъэр? (1, 2) |
|
Сыд пае джырэ уахътэм чІыгур джэнэтэу кІыщымытыр? (3) |
|
Сыда цІыф бзаджэмэ къащышІыщтыр? (4) |
|
Сыда Хьисэ къэкІощт уахътэм сымаджэхэм, жъы хъугъэхэм, лІагъэхэм афишІэщтыр? (5, 6) |
|
Тхьэм ынэшІу къыпщыфэнэу сыда пшІэн фаер? (7) |
1. Иеговэ чІыгур зыкІыгъэпсыгъэр цІыфхэр насыпышІоу егъашІэм щыпсэунхэу ары. Ар зыфэягъэр шъыпкъагъэ зыхэлъ ыкІи гушІуагъо цІыф лъэпкъ дунаем щыпсэунхэу ары (Сэбур 115:16; Исайас 45:18). ЧІыгур егъашІэми кІодыщтэп, ар егъашІэм щыІэ зэпытыщт (Сэбур 104:5; Екклесиаст 1:4). 2. ЦІыфыр къымгъэхъузэ Тхьэм чІыгум чІыпІэ щыхихыгъ, джэнэт дэхэ-дэдэ ышІыгъ. Ащ Едэм цІэу фиусыгъ. А джэнэт чІыпІэр апэрэ лІымрэ шъузымрэ, Адэмрэ Хьаомрэ, щыпсэунхэу къаритыгъ. Тхьэр зыфэягъэр ахэмэ сабый бэ къафэхъунэу, чІыгур зэрыщытэу джэнэт ашІынэу (1 Мусэ 1:28; 2:8, 15).
3. Адэмрэ Хьаорэ Тхьэм иунашъо ашІэзэ аукъуи гунахь ашІагъ. Ащ пае Иеговэ Едэм ахэр къырифыгъэх. Джэнэтыр ахэм ашІокІодыгъ (1 Мусэ 3:1—6, 23). Ау Иеговэ щыгъупшагъэп чІыгур зыкІыгъэпсыгъэр. Иеговэ тегъэгугъэ чІыгур джэнэт ышІыжьынэу ыкІи цІыфхэр егъашІэм ащ щыпсэунхэу. Сыдэущтэу Тхьэм игухэлъыр ыгъэцэкІэщт? (Сэбур 37:29). 4. ЧІыгур джэнэт хъуным ыпэкІэ цІыф бзаджэхэр тебгъэкІодыкІын фай (Сэбур 37:38). Ар зыщыхъущтыр Армагеддоным ары — ар ер зыщыкІодыщт Тхьэм изау. ЕтІанэ Шэйтаныр илъэс 1 000-кІэ зэкІоцІапхэщт. Ащ къикІырэр, зыпари щыІэщтэп чІыгум изэрар езыхын. Псэоу къэнэщтыр Тхьэм ицІыфхэр ары (Іофхэр 16:14, 16; 20:1—3). 5. Ащ ыужкІэ Хьисэ илъэс 1000 дунаим и Пачъыхьэу щытыщт (Іофхэу 20:6). Игъорыгъоу цІыфхэм апкърэ яакъылрэ гунахьыр атрихыщт. Адэмрэ Хьаорэ гунахь ашІэн ыпэкІэ зэрэщытыгъэхэм фэдэу щыкІагъэ ямыІэу цІыфхэр хъужьыщтых. А уахътэм узи, жъыныгъи, лІэныгъи щыІэжьыщтхэп. Сымаджэныгъэ щыІэжьыщтэп, жъы хъугъэхэр къэкІэлэжьыщтых (Аюб 33:25; Исайас 33:24; Іофхэу 21:3, 4). 6. Хьисэ и Илъэсмин Пачъыхьэгъум дэжь, Тхьэм ицІыфхэм чІыгур джэнэт ашІыжьыщт (Лука 23:43). Ащ нэмыкІэу Тхьэм миллион пчъагъэу лІагъэхэр къыгъэтэджыжьыщтых чІыгум щыпсэунхэу (Апостолхэм 24:15). Ахэр Тхьэм фэІорышІэхэ хъумэ, чІыгум мыухыжьын гъашІэ щыряІэщт, армырмэ лъэпсэкІодэу ыгъэкІодыщтых (Иуан 5:28, 29; Іофхэу 20:11—15). 7. Тхьэм апэ дэдэу чІыгум гухэлъэу фыриІагъэр джащ фэдэу гъэцэкІагъэ хъущт. Уфая о къэкІощт уахътэм Тхьэм инэшІу къыпщыфэнэу? Ащ пае Иеговэ ехьылІагъэ шІэныгъэ хэбгъахъо зэпытын фае ыкІи иІофхэри бгъэцэкІэн фае. Иеговэ и Шыхьатхэм язэІукІэхэр Пачъыхьэгъу Унэм щыкІохэрэм укІомэ ахэр ІэпыІэгъу къыпфэхъущтых (Исайас 11:9; Еврей 11:24, 25).
|
2008-рэ илъэсым къыдагъэкIыгъ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
