Хэт щыща Иблысыр?

1. ГущыІэу «иблыс» зыпІокІэ къикІырэр — гухьэ-гужъ зиІэу нэмыкІым пцІы тезылъхьарэр. «Шэйтан» пІомэ къикІырэр — «пыи». Тхьэм иапэрэ пый фэхъугъэм ащ фэдэ цІэхэр иІэх. АпэрэмкІэ ар щыкІагъэ зимыІэ мэлэІичэу Тхьэм игъусэу уашъом щыпсэущтыгъ. Уахътэ тешІагъэу, ар ышъхьа бэ фихьыжьэу хъугъэ ыкІи ежь шъхьащэ фашІынэу, Тхьэм фэдэу фае хъугъэ (Маттэ 4:8—10).

2. А мэлэІичэу, Шэйтаныр, блэр ыгъэфеди Хьао къыдэгущыІагъ. Ар пцІы фиуси Тхьэм емыдэІунэу ышІыгъ. Джащ фэдэу Шэйтаным Тхьэм «итетыгъошхо» ыумысыгъ е пцІы трилъхьагъ. Ащ Тхьэм ишІушІагъэхэм джэнджэш ахилъхьагъ: Тхьэм итетыгъо тэрэзэу зэрехьа ыкІи цІыфхэм унашъо зыфишІыхэрэм ягухэлъхэр хьисап ешІа? Ащ нэмыкІэу Шэйтаным джэнджэш ышІыгъ: зы цІыф горэ къэнэщт шІуа егъашІэм Тхьэм фэшъыпкъэнэу? Джахэм апкъ къикІыкІэ Шэйтаныр Тхьэм иапэрэ пый фэхъугъ, ащ пае ШэйтанкІэ ыкІи ИблыскІэ еджагъэх (1 Мусэ 3:1—5; Аюб 1:8—11; Іофхэу 12:9).

3. Шэйтаным цІыфхэр егъапцІэ ежьым шъхьащэ къыфашІыным пае (2 Коринф 11:3, 14). Зы амалэу цІыфхэр зэригъапцІэхэрэм ащыщ — дин нэпцІыр ары. Динэу Тхьэм ехьылІагъэу мышъыпкъэу ригъаджэ хъумэ, Шэйтаным фэлажьэу мэхъу (Иуан 8:44). Дин нэпцІым фэлажьэхэрэм къашІошІынкІы хъущт Тхьэ шъыпкъэм фэлажьэхэ фэдэу, ау ахэр зыфэлажьэхэрэр Шэйтаныр ары. Ар «мы дунаем итхьэ» (2 Коринф 4:4).

ЦІыфхэр зэрыхагъэукъорэр дин нэпцІыр, шхъухьа зехьаныр ыкІи лъэпкъ зэхэдзыныр

4. ЯтІонэрэ амалэу Шэйтаным цІыфхэр зэрыдихьыххэр — ушхъухьаныгъэмрэ джэнч дзынымрэ. ЦІыфхэр лІагъэхэм апсэ елъэІух ІэпыІэгъу къафэхъунхэу, нэмыкІ цІыфхэм зэрар афэхъунэу, ыпэкІэ къэхъущтыр къашІэнэу ыкІи Іоф гъэшІэгъонышхохэр къафашІэнэу. Джахэр зэкІэ зыІэ илъыр Шэйтаныр ары. Тхьэр дгъэрэзэным пае, шхъухьа Іофхэм тапылъы хъущтэп (5 Мусэ 18:10—12; Апостолхэм 19:18, 19).

5. Ащ нэмыкІэу Шэйтаным цІыфхэр зэригъапцІэрэр лъэпкъзэхэдзыныр ыкІи политическэ организациехэр агъэлъэпІэныр ары. ЩыІ цІыфхэр алъытэ ежь ицІыф е лъэпкъ адрэмэ анахь дэгъоу. Ау ар шъыпкъэп (Апостолхэм 10:34, 35). ЦІыфхэм ашІошъ мэхъу къинэу ателъыр политическэ организациехэм зэшІуахынэу. Ахэр зышІошъ хъурэмэ Тхьэм и Пачъыхьэгъу щагъэзые. ЦІыфхэм яІэ гумэкІхэр зэшІозыхыщтыр Тхьэм и Пачъыхьэгъур ары (Данил 2:44).

Шэйтаным пэуцужь, Иеговэ нахь дэгъоу зэбгъашІэзэ

6. Джыри зы амалкІэ Шэйтаным цІыфхэр егъапцІэх — псэкІодшІэным фэеныгъэмкІэ дехьыхых. Афэдэ Іофхэм зыщыбдзыенэу Иеговэ къеІо, сыда пІомэ Тхьэм ешІэ ахэмэ зэрар къызэрахьырэр (Галатие 6:7, 8). ЦІыфхэр псэкІод ашІэнэу есагъэхэр ори узгуагъэхьанэу фэенхэкІи мэхъух, ежьхэм зэрашІырэм фэдэу ори уагъэшІынэу. Ау пшІошъ гъэхъу — ащ фаер Шэйтаныр ары (1 Коринф 6:9, 10; 15:33).

7. Иеговэ угокІыным пае, Шэйтаным ыгъэфедэн ылъэкІыщт зэпэуцужьыгъэныр. О уиблагъэ цІыфхэм ащыщ Тхыгъэ ЛъапІэр зэрызэбгъашІэрэр зашІэкІэ лъэшэу къыпфэгубжынкІи мэхъух. НэмыкІхэр къыбдэхьащхыни къыхэкІыщт. Ау хэта уищыІэныгъэ зыІэ илъыр? Шэйтаныр уигъэщынэнэу фай, Иеговэ ехьылІагъэ шІэныгъэхэр зэмгъэшІэнэу. Ау Шэйтаныр къызтемгъакІу! (Маттэ 10:34—39; 1 Петрэ 5:8, 9). Шэйтаным упэуцужьымэ Иеговэ бгъэгушІощт ыкІи Тхьэм и тетыгъошхо зэрыдебгъаштэрэ къэогъэлъагъо (ГущыІэжъхэу 27:11).

Copyright © 2009 Watch Tower Bible and Tract Society of Pennsylvania. All rights reserved.