 |
Beliefs | Future | Medical | Topics | Contact Us | Publications | Languages |
| Ngo ma Lubanga Mito ki Botwa? | Pwony me 16  |
Moko Tammi me Tic pi Lubanga |
|
 |
Ngo ma myero itim wek idok larem Lubanga? (1, 2) |
|
I yo ango ma in idyerre kwede bot Lubanga? (1) |
|
Awene ma myero kibatija in iye? (2) |
|
Yo ango ma itwero nongo kwede teko me gak matwal macalo lagen i kom Lubanga? (3) |
1. Me doko larem Lubanga, omyero inong ngec maber me ada ma a i Baibul (1 Temceo 2:3, 4), iket niye i kom jami ma ipwonyo (Jo Ibru 11:6), ingut i balli (Tic pa Lukwena 17:30, 31), ki ilokke idwog cen i kit yo me kwo-ni. (Tic pa Lukwena 3:19) Ki dong mar-ri i kom Lubanga myero oteri me dyerre piri keni bot en. Man te lokke ni i lega-ni keni, i mung itito bote ni itye ka mine keni bote me tiyo mitine.—Matayo 16:24; 22:37. 2. I nge dyerre-ni bot Lubanga, omyero inong batija. (Matayo 28:19, 20) Batija miyo dano duc ngeyo ni in dong idyerre bot Jehovah. Pi meno batija tye pi jo ma guteggi ma giromo moko tamgi me cako tic pi Lubanga. Ka ngati mo kibatija en, kome duc myero gilut i te pii pi kare mo manok.*—Marako 1:9, 10; Tic pa Lukwena 8:36. 3. I nge dyerre-ni, Jehovah bigeno ni ibiketo tek me cobbo cikkeni. (Jabuli 50:14; Latitlok 5:4, 5) Lagoba-ni obitemme me jukki pe me tic pi Jehovah. (1 Petero 5:8) Ento nyik cok bot Lubanga i lega. (Jo Pilipi 4:6, 7) Kwan Lokke nino acel acel. (Jabuli 1:1-3) Mok cok i kom kacokke. (Jo Ibru 13:17) Ka itimo man weng, ibinongo teko me gak macalo lagen bot Lubanga. Man aye kit ma ibitwero timmo kwede jami ma Lubanga mito ki boti pi kare ma pe tum! Imito nongo ngec mukene nyo nongo pwony me Baibul labongo cul mo i paconi? Tim ber ico bot Lucaden pa Jehovah, kun itiyo ki canduk posta ma rwatte piny kany. Can duk posta
|
||
Kicoyo i 1996 |   |
Copyright © 2008 Watch Tower Bible and Tract Society of Pennsylvania. All rights reserved. |
|
