 |
Beliefs | Future | Medical | Topics | Contact Us | Publications | Languages |
| Ngo ma Lubanga Mito ki Botwa? | Pwony me 8  |
Kwo me Ot ma Yomo Cwiny Lubanga |
|
 |
Dit ango ma laco tye kwede i ot? (1) |
|
Yo ango ma laco myero oter kwede dakone? (2) |
|
Kit tic ango ma laco tye kwede? (3) |
|
Dako tye ki ngo me atima i ot? (4) |
|
Ngo ma Lubanga mito tung bot lunyodo ki litino? (5) |
|
Baibul neno lok i kom pokke ki keto nyom nining? (6, 7) |
1. Baibul waco ni laco aye lawi jo ma i ode. (1 Jo Korint 11:3) Laco myero obed ki dako acel keken. Omyero gin gunyomme maber i te cik.—1 Temceo 3:2; Tito 3:1. 2. Laco myero omar dakone kit ma en mare kwede kene. Omyero otere kit ma Yecu tero kwede jo ma lube. (Jo Epeco 5:25, 28, 29) Pe myero odong dakone kadi matidi mo nyo otere i yo mo marac. Ma ka meno, myero onyute deyo ki woro.—Jo Kolocia 3:19; 1 Petero 3:7.
3. Wego myero otii matek me gwokko jo ma i ode. En myero onong cam, gin aruka, ki ot pi dakone ki litinone. Wego myero bene omi ki jo ma i ode jami ma mitte me cwiny. (1 Temceo 5:8) En telo yo i konnyo jo ma i ode me pwonnyo lok i kom Lubanga ki yub Mege.—Nwoyo Cik 6:4-9; Jo Epeco 6:4. 4. Dako myero obed lakony maber bot cware. (Acakki 2:18) Myero okony kor cware i pwonnyo ki miyo litinogi diro. (Carolok 1:8) Jehovah mito ni dako ogwok jo ma i ode i yo me mar. (Carolok 31:10, 15, 26, 27; Tito 2:4, 5) En myero obed ki woro matut i kom cware.—Jo Epeco 5:22, 23, 33. 5. Lubanga mito ni litino guwiny lunyodogi. (Jo Epeco 6:1-3) En geno lunyodo me pwonyo dok tiro litinogi. Lunyodo mito gunong kare me bedo ki litinogi ki me kwano Baibul kwedgi, wek okony pi mitigi me cwiny ki kit ma giwinyo kwede. (Nwoyo Cik 11:18, 19; Carolok 22:6, 15) Lunyodo myero pe gumi pwod i kom litinogi i yo me gero nyo kiniga.—Jo Kolocai 3:21.
6. Ka jo ma onyomme tye ki peko me bedo kacel, gin myero otem me ketto i tic tam ma Baibul miyo. Baibul cuko cwinywa me nyutto mar ki me bedo jo ma timo kica. (Jo Kolocai 3:12-14) Lok pa Lubanga pe cwako pokke calo yo me cobbo peko ma titino. Ento dako romo yero me weko cware ka (1) en kwero miyo kony bot jo ma i ode akaka, (2) en ger marac ma yot kom dako ki kwo-ne pe romo genne, nyo (3) aunauna-ne ma okato kare miyo woro-ne bot Jehovah pe twerre.—1 Jo Korint 7:12, 13. 7. Jo ma gunyomme myero obed jo ma genne i kin-gi keken-gi. Timo abor obedo bal bot Lubanga ki bene bot jo ot. (Jo Ibru 13:4) Buto ki ngat mo mukene ma pe inyomme kwede en aye yo acel kene ma Ginacoya ye ni keto keny ma miyo nyomme ki ngat mukene dok twerre. (Matayo 19:6-9; Jo Roma 7:2, 3) Jehovah dag ka dano keto nyom labongo tyen lok ma Ginacoya cwako ci dok nyomo ngat mukene.—Malaki 2:14-16. |
||||
Kicoyo i 1996 |   |
Copyright © 2008 Watch Tower Bible and Tract Society of Pennsylvania. All rights reserved. |
|
