 |
Beliefs | Future | Medical | Topics | Contact Us | Publications | Languages |
| Ngo ma Lubanga Mito ki Botwa? | Pwony me 5  |
Lubanga Tye ki Yub Ango pi Lobo? |
|
 |
Pingo Jehovah ocweyo lobo? (1, 2) |
|
Ping lobo pe tye paradic kombeddi? (3) |
|
Ngo ma bitimme i kom lutim maraco? (4) |
|
I kare me anyim, Yecu bitimo ngo pi lutwo? jo mutii? jo muto? (5, 6) |
|
Me nywako mot me kare me anyim, ngo ma mitte ni itim? (7) |
1. Jehovah ocweyo lobo-ni ni wek dano gulim kwo maber iye matwal. En omito ni lobo kare weng obed ki dano ma kitgi atir, ma nongo cwinygi yom. (Jabuli 115:16; Icaya 45:18) Lobo pe gibibalone wacel; obirii matwal.—Jabuli 104:5; Latitlok 1:4. 2. Ma peya Lubanga oyubo dano, En oyero but lobo ka mo matidi ci oyubo odoko paradic mo mamwonya. Ocako nyinge ni poto me Eden. Kany aye ka ma en oketo iye laco ki dako mukwongo, Adam ki Kawa. Lubanga onongo oyubo ni gunywal litino wek gupong lobo ducu. Motmot onongo myero guyub lobo ducu odok paradic.—Acakki 1:28; 2:8, 15.
3. Adam ki Kawa gubalo i yo me turo cik pa Lubanga akaka. Pi meno Jehovah oryemogi woko ki i poto me Eden. Paradic orweny woko. (Acakki 3:1-6, 23) Ento Jehovah wiye pe owil i kom yub ma mege pi lobo-ni. En cikke me yubone odok paradic, ka ma dano bikwo iye matwal. En bitimmo man nining?—Jabuli 37:29. 4. Ma nongo lobo-ni peya odoko paradic, lutim maraco myero kong gityekgi woko. (Jabuli 37:38) Man bitimme i Armagedon, ma en aye lweny pa Lubanga me tyeko tim maraco. Ma lubo man, Catan gibitweyo i buc pi mwaka 1,000. Man te lokke ni pe dok gibiweko lutim maraco mo me balo lobo. Jo pa Lubanga keken aye bibwot.—Niyabo 16:14, 16; 20:1-3. 5. Ka dong Yecu Kricito biloc macalo Rwot ma loyo wi lobo ducu pi mwaka 1,000. (Niyabo 20:6) Motmot en bikwannyo bal woko ki i tamwa wa ki i komwa. Wabidoko jo ma pe ki bal kit ma yam con Adam ki Kawa gubedo kwede i kare ma peya gubalo. I kare meno two, tiyo ki to dong bibedo pe. Jo ma two gibicang, ki jo ma gutii biroc doko matoco odoco.—Yubu 33:25; Icaya 33:24; Niyabo 21:3, 4. 6. I kare me Loc me Mwaka Alip Acel pa Yecu-ni, jo ma lugen bitic me loko lobo duc odok paradic. (Luka 23:43) Ki bene, jo milion mapol muto gibicerogi i kwo macalo dano i wi lobo-ni. (Tic pa Lukwena 24:15) Ka gibitimo gin ma Lubanga mito ki botgi, ci gibimedde ki kwo i wi lobo matwal. Kono ka pe gibitimmo, gibityekogi woko matwal.—Jon 5:28, 29; Niyabo 20:11-15. 7. Yub mukwongo pa Lubanga ma dok i kom lobo bicobbe kit meno. In imito ni in bene inywak mot magi me kare ma anyim-mi? Ka kumeno, mitte ni imedde ki pwonnyo lok i kom Jehovah kun ilubo gin ma en mito. Bedo tye i cokke i Ot me Ker pa Lucaden pa Jehovah bikonnyi me timone.—Icaya 11:9; Jo Ibru 10:24, 25.
|
Kicoyo i 1996 |   |
Copyright © 2008 Watch Tower Bible and Tract Society of Pennsylvania. All rights reserved. |
|
