Kit ma Itwero Nongo Kwede Ngo ma Lubanga Mito

1. Baibul obedo mic mo me wel ma oa ki bot Lubanga. Tye calo waraga ma wego ma lamar ocwalo bot litinone. Tittiwa ada ma dok i kom Lubanga—en anga dok rwom ma mege tye ningo. Miyo waniang kit me lweny ki peko ki bene kit me nongo yocmwiny ma ada. Baibul keken aye tittiwa ngo ma myero watim me yomocwiny Lubanga.—Jabuli 1:1-3; Icaya 48:17, 18.

2. Dano mapatpat ma romo 40 aye gucoyo Baibul pi kare ma romo mwakki 1,600, cakke i mwaka me 1513 B.C.E. Tye iye buke 66 matinotino. Jo mucoyo Baibul gucoyo kun Lubanga tirogi. Gucoyo tamme, pe ma me-gi. Pi meno Lubanga ki i polo, ma pe dano ma i wi lobo, aye Omiyo gicoyo Baibul.—2 Temceo 3:16, 17; 2 Petero 1:20, 21.

3. Lubanga ocung matek me neno ni Baibul kikobo dok kigwoko kit ma con tye kwede. Wel Baibul ma kigoyo dwong loyo wel buk mo keken. Pe dano weng bibedo ki yomcwiny me nenni itye ikwano Baibul, ento pe iwek meno ojuki. Kwo-ni me anyim me bedo matwal jenge i kom ngeyo Lubanga ki tiyo mitine kadi bed kit ariya ango obin.—Matayo 5:10-12; Jon 17:3.

Copyright © 2008 Watch Tower Bible and Tract Society of Pennsylvania. All rights reserved.