Ишәҭахыума
шәара ижәдырырц
аиаша?

ИАРБАН иашоу? Жәытә-натә аахыс ауаа ргәы иҵхо иазкыу. Иҟалап шәаргьы шәхы иашәҭозҭгьы абарҭ реиҧш иҟоу акрызҵазкуа азҵаарақәа:

Иабахәҭоу, шәгәаныла, арҭ азҵаарақәа рҭак аҧшаара? Абиблиотекақәеи ашәҟәы ҭиирҭа дәқьанқәеи рҿы шәара ишәҧшаауеит зқьыла, арҭ азҵаарақәа рҭак ҳдыруеит ҳәа шьақәзырҕәҕәо, авторцәа рышәҟәқәа. Аха лассы-лассы арҭ ашәҟәқәа аки-аки еиҿагылоит. Шәҟәқәак иахьа ҳаамҭа иақәшәошәа убоит, аха аамҭақәак анҵлак дара ажәуеит, урҭ еиҭарыхәаҧшуеит, мамзаргьы аҿыц рыҩуеит.

Аха иҟоуп шәҟәык даара зыгәра угар ҟало. Ари аиаша иашәҟәуп. Иисус Христос анцәаиҳәараҿ иҳәеит: «Уара уажәоуп аиаша» (Иоанн 17:17). Иахьа ари Ажәа еицырдыруеит Абиблиа ҳәа. Анаҩстәи адаҟьақәа рҿы шәара ишәоуеит икьаҿу, аха елккоу, хыхь иарбоу азҵаарақәа рзы ииашоу аҭакқәа Анцәа Иажәа аҟынтә.

Бзиа ҳаибома ҳара Анцәа?

ИЗБАН АРИ АҨЫЗА АЗҴААРА ЗЦӘЫРҴУА. Ҳара ҳанхоит гәымбылџьбаралеи, насгьы иашамралеи иҭәу адунеи аҿы. Имаҷымкәа адинқәа иддырҵоит ҳара ҳгәаҟрақәа ари Анцәа игәаҧхара ауп ҳәа.

ИАҲНАРҴОЗЕИ АБИБЛИА. Анцәа ахаан ацәгьара ҟаиҵаӡом. «Илшаӡом ииашоу Анцәа ахәымга аҟаҵара, насгьы Зегьзымчу ииашамкәа аныҟәара» — ҳәа аҳәоит Иов 34:10. Анцәа имоуп ишьахәу агәҭакы ауаа рзы. Убри азоуп Иисус абас еиҧш Анцәа ҳиҳәарц заҳирҵоз: «Жәҩан иҟоу Ҳаб... Иаиааит уара уаҳра. Иҟалааит уара угәаҧхара хыхь жәҩан аҟны еиҧш, ҵаҟа адгьыл аҿгьы» (Маҭфеи 6:9, 10). Анцәа убас иҕәҕәаны бзиа ҳаибоит, иара игәҭакы анагӡара аҳаҭыр азы, аҧсхҭынҵара дазхианы дазцеит. (Иоанн 3:16).

Шәахәаҧш, иара убас Аҟазаара 1:26–28; Иаков 1:13, насгьы 1 Пиотр 5:6, 7.

Знымзар-зны иҟалома аибашьрақәеи агәаҟрақәеи рҵыхәтәа?

ИЗБАН ИЗЦӘЫРҴУА АРИ АҨЫЗА АЗҴААРА. Аибашьрақәа иргоит ирацәаны ауаатәыҩса рыҧсҭазаара. Ауаа ргәаҟрақәа, ҳарҭ ҳахьынтә, аӡәы хьаас имкырц залшом.

ИАҲНАРҴОЗЕИ АБИБЛИА. Анцәа иҳәоит, адгьыл ахьынӡа-наӡааӡо, аҭынчра анышьақәиргыло аамҭа шыҟало. Иара Иаҳра анапхгара — жәҩантә еиҳабыра — аҵаҟа ауаа «ирҵалаӡом аибашьышьа». Дара «иӡдрыжәуеит раҳәақәа ацәеихахь» (Исаиа 2:4). Анцәа аиашамрақәеи, агәаҟрақәеи зегьы рҵыхәтәа ҧиҵәоит. Абиблиа ҳақәнаргәыҕуеит: «[Анцәа] ирыцқьоит иарбан лаҕырӡызаалак, аҧсрагьы уаҳа иҟалаӡом, агәырҩагьы, агәынқьрагьы, ахьаагьы уаҳа иҟалаӡом. Уаанӡатәи [аиашамзаареи, агәаҟрақәеи назлоу] ииасит» (Аартра21:3, 4).

Шәахәаҧш, иара убас Ҧсалом 37 :10, 11; 46:9, насгьы Михеи 4:1–4.

Иҟалозеи ҳара ҳанҧсуа аамҭаз?

ИЗБАН ИЗЦӘЫРҴУА АРИ АҨЫЗА АЗҴААРА. Еиҳарак адинқәа иддырҵоит, ауаҩы данҧслак ашьҭахь ихәҭак аҧсҭазаара ацнаҵоит ҳәа. Шьоукы ихарҵоит иҧсхьоу зыҧсы ҭоу ҧырхага рырҭоит ҳәа, насгьы Анцәа агәнаҳа ҟазҵо ахьирхәуеит џьаҳаным аҟны, наӡаӡа иргәаҟуа ҳәа.

ИАҲНАРҴОЗЕИ АБИБЛИА. Ауаҩы данҧслак аҟазаара даҟәыҵуеит. «Аҧсцәа акгьы рыздыруам»,— аҳәоит Екклезиаст 9:5 аҟны. Аҧсцәа акгьы шырзымдыруа, цәанырра шрымам, насгьы акгьы шҧырымшәо ала, дара ирылшаӡом зыҧсы ҭоу рҧырхагахарагьы, рыцхраарагьы. (Ҧсалом 146:3, 4).

Шәахәаҧш, иара убас Аҟазаара 3:19, насгьы Екклезиаст 9:6, 10.

Иҟоума иҧсхьоу рзы агәыҕра?

ИЗБАН ИЗЦӘЫРҴУА АРИ АҨЫЗА АЗҴААРА. Ҳара зегьы иаҳҭахыуп бзиа иаабо рааигәа ҳаҟаны ҳанхаларц, насгьы аҧсҭазаара ҳалагәырҕьаларц. Уамашәа ибатәӡам, иаҳцәыҧсхьоу еиҭах иаҳбарц ахьаҳҭахыу.

ИАҲНАРҴОЗЕИ АБИБЛИА. Иҧсхьоу реиҳараҩык рыҧсы ҭаҵахоит. Иисус ажәа ҳаиҭеит «адамрақәа ирҭоу... ҭыҵуеит» ҳәа (Иоанн 5:28, 29). Зыҧсы ҭалаз ауаа, Анцәа аханатә игәы ишҭеикыз еиҧш, аџьанаҭ дгьыл аҿы инхартә алшара роуеит (Лука 23:43). Уи адагьы Анцәа иҳәатәы хазҵо ауаа ироуеит инаӡоу агәабзиара, иагьынхалоит наӡаӡа. Абиблиаҿы иҳәоуп: «Ииашоу ирҭынхоит адгьыл иагьықәынхалоит уа наӡаӡа» (Ҧсалом 37:29).

Шәахәаҧш, иара убас Иов 14:14, 15; Лука 7:11–17, насгьы Аумҭақәа 24:15.

Ишҧаҳахәҭо Анцәа иҳәара ҳабжьы иаҳарц азы?

ИЗБАН ИЗЦӘЫРҴУА АРИ АҨЫЗА АЗҴААРА. Адинқәа зегьы рҟны ауаа Анцәа иҳәоит. Аха аӡәырҩы рыҳәарақәа ҭакда иаанхоит ҳәа ргәы иаанагоит.

ИАҲНАРҴОЗЕИ АБИБЛИА. Иисус иаҳирҵон ҳаҳәарақәа рҿы, ҿырҳәаала иҵаны иаҳҳәо, еиҭаҳамҳәаларц. Иара иҳәон: «Анцәа шәаниҳәо, ишәҳәо еиҭашәымҳәалан» — ҳәа (Маҭфеи 6:7). Анцәа ҳабжьы иаҳарц ҳҭахызар, иара ишигәаҧхо еиҧш ҳиҳәозароуп. Убри аҟнытә ҳара иҳахәҭоуп Анцәа игәаҧхара закәу аилкаара, насгьы убри инақәыршәаны иҳәара. 1 Иоанн 5:14 аҟны иануп: «Ҳаззиҳәозаалак иара [Анцәа] игәаҧхарала, иара ҳабжьы иаҳауеит».

Шәахәаҧш, иара убас Ҧсалом 65:2; Иоанн 14:6, 14, насгьы 1 Иоанн 3:22.

Ишҧаҧшаатәу аҧсҭазаараҿы анасыҧ?

ИЗБАН ИЗЦӘЫРҴУА АРИ АҨЫЗА АЗҴААРА. Аӡәырҩы ихарҵоит анасыҧ азы иаҭахыуп аҧара, ахьӡ-аҧша, ма аҧшӡара ҳәа. Дара рымч зегьы ақәҵаны рҽазыршәоит абарҭ зегьы рырҳара, аха анасыҧ ус иагьырзыҧшаауам.

ИАҲНАРҴОЗЕИ АБИБЛИА. Иисус иаҳирбеит анасыҧ иаша ҳазҭо закәу. Иара иҳәеит: «Насыҧ рымоуп здоуҳатә ҭахрақәа еилызкаауа» (Маҭфеи 5:3). Анасыҧ иашаҵәҟьа ҳаҧшаарц ҳалшоит зегьы реиҳа ихадоу ҳҭахратә гәаҳәара наҳагӡалар — Анцәа изкыу аиашеи, насгьы ҳара ҳганахьала имоу игәҭаки реилкаара. Ари аиаша Абиблиаҿы иҟоуп. Ари аиаша дырны, ҳара еилаҳкаарц ҳалшоит аҧсҭазаараҿ ииашаҵәҟьаны ихадоу, насгьы ихадам. Ҳара аӡбара анҳадаҳкыло, насгьы абиблиатә иаша ҳхы иархәаны ҳанықәныҟәо, ҳаҧсҭазаара еиҳа аҵакы аиуеит (Лука 11:28).

Шәахәаҧш, иара убас Ажәамаанақәа 3:5, 6, 13–18, насгьы 1 Тимофеи 6:9, 10.